AllCricket  

14 में

احسان اللہ کا PSL سے ریٹائرمنٹ کا اعلان

پاکستان سپر لیگ (PSL) کے 10ویں ایڈیشن کی ڈرافٹنگ میں کئی کھلاڑیوں نے اپنی جگہ بنائی، لیکن نوجوان فاسٹ بولر احسان اللہ کو کسی بھی فرنچائز نے منتخب نہیں کیا۔ اس صورتحال نے احسان اللہ کو دلبرداشتہ کر دیا اور انہوں نے PSL سے ہمیشہ کے لیے ریٹائرمنٹ کا اعلان کر دیا۔

احسان اللہ سوات سے تعلق رکھنے والے ایک باصلاحیت فاسٹ بولر ہیں، جنہوں نے PSL 8 میں شاندار کارکردگی کا مظاہرہ کیا تھا۔ انہوں نے ٹورنامنٹ میں سب سے زیادہ وکٹیں حاصل کیں اور 2022 میں پلیئر آف دی ٹورنامنٹ اور ایمرجنگ پلیئر آف دی ٹورنامنٹ کے اعزازات بھی اپنے نام کیے۔ ان کی شاندار کارکردگی نے انہیں قومی ٹیم میں جگہ دلائی اور انگلینڈ کی لیگ سے بھاری کانٹریکٹ کی پیشکش بھی ملی۔

تاہم، انجری کی وجہ سے ان کی بولنگ کی رفتار متاثر ہوئی، جس کی وجہ سے انہیں PSL 10 میں کسی فرنچائز نے منتخب نہیں کیا۔ اس کے برعکس، ضلع کرم کے دو کھلاڑی محمد نعیم اور شاہد عزیز PSL سیزن 10 کا حصہ بن گئے ہیں۔ محمد نعیم لاہور قلندر کے 20 رکنی سکواڈ میں شامل ہونے میں کامیاب ہوئے جبکہ شاہد عزیز ملتان سلطانز کا حصہ بن گئے۔

کرم کے دونوں کھلاڑیوں کی PSL سیزن 10 میں شمولیت نے علاقے میں خوشی کی لہر دوڑ دی ہے، جبکہ احسان اللہ کی ریٹائرمنٹ نے ان کے مداحوں کو مایوس کیا ہے۔

#PSL10,#احساناللہ,#محمدنعیم,#شاہدعزیز,#کرام